Author: stoy

by stoy

Xhinsi është një pjesë thelbësore e garderobës gjatë gjithë vitit, por çdo sezon vjen me forma dhe prerje të reja.

 

Këtë vjeshtë, xhinsi po përjeton një rikthim të madh, me pantallonat që marrin vëmendjen kryesore. Modelet me këmbë të gjera dhe formë “barrel” po dominojnë, ndërsa ngjyra kafe e errët po shfaqet fuqishëm si trend. Stilistëtpo eksperimentojnë gjithashtu me detaje argëtuese, si veshjet me efekt lëkure.

10 xhinset më në trend të sezonit:

 

01. Këmbë të gjera dhe prerje të lirshme

 

Pantallonat xhins me prerje të gjerë dhe të lirshme po mbeten një bazë kryesore në garderobë.

Rikthyer nga vitet ’90, xhinsi me këmbë të gjera mund të vishet në shumë mënyra.

 

Si t’i vishni? Ruani ekuilibrin e përmasave, kombinoni me një bluzë të ngushtë dhe atlete gjatë ditës, ose me xhaketë dhe taka për në mbrëmje.

 

02. Rikthimi i “Skinny Jeans”

 

Edhe pse dikur konsideroheshin jashtë mode, pantallonat “skinny” janë rikthyer fuqishëm për vjeshtën 2025, bashkë me frymën Y2K dhe vitet 2000. Versioni modern nuk është aq i ngushtë sa më parë, por ruan një formë të drejtë dhe elegante me kyç të ngushtë.

 

 

03. Estetika Perëndimore (Western)

 

Pamja “coëboy” mbetet shumë në trend këtë vjeshtë, me xhinsin si element kryesor.

Detajet perëndimore po shfaqen kudo, nga këmishat prej xhinsi e xhaketat ‘utility’, deri te prerjet ‘boot cut’.

 

04. Xhinsi me shtresë të lëmuar (Coated Denim)

 

Ky stil përfshin një shtresë shtesë me shkëlqim të lehtë që i jep xhinsit pamjen e lëkurës, por me komoditetin e pambukut.

Mund ta kombinoni me një bluzë me print dhe çizme për një pamje ‘streetëear’, ose me një këmishë të errët për një look elegant e monokromatik.

 

05. Xhinsi në nuancë kafe/çokollatë

 

Ngjyrat e ngrohta dhe të thella janë thelbësore këtë vjeshtë. Kafja në nuancën e çokollatës po bëhet një zgjedhje mjaft e veçantë dhe e preferuar për xhinset.
Për një pamje monokromatike, kombinojeni me një triko në të njëjtën ngjyrë, ose për kontrast, me tone neutrale më të çelëta.

 

06. Prerja “Barrel”

 

Silhueta “barrel” vazhdon të fitojë popullaritet. Këmbët zgjerohen në gju dhe ngushtohen sërish te kyçi, duke krijuar një formë të veçantë “fuçie”.

Duken më bukur me një bluzë të ngushtë ose triko të shkurtër për të ruajtur ekuilibrin. Zgjidhni xhins me ngjyrë të errët për një pamje më të sofistikuar.

 

07. Xhinsi me këmbë të drejta (Straight Leg)

 

Një zgjidhje e përkryer për ata që nuk duan as “skinny” as shumë të lirshme.
Janë të lehta për t’u kombinuar me çdo trup dhe duken shkëlqyeshëm me të gjitha llojet e këpucëve që janë në trend këtë vjeshtëm çizme, mokasina, balerina apo atlete.

 

08. “Vintage”

 

Për një pamje më të relaksuar, rikthehet versioni vintage, xhinsi pak i zbehtë që duket si i veshur prej kohësh.

Krijojnë një ndjesi komoditeti dhe lehtësie, ndaj zgjidhni bluza që përputhen me këtë atmosferë.

 

09. Indigo

 

Një tjetër ngjyrë në modë këtë vjeshtë është bluja indigo, e errët, por mjaft elegante.

Kombinojini me tone të lehta si neutrale për një pamje perfekte.

 

10. Prerja “Boot Cut”

 

Një rikthim elegant te estetika perëndimore.
Këto pantallona duken bukur me një xhaketë dhe mokasina për ditën, ose me çizme me taka të larta dhe një bluzë prej lëkure në ngjyrë çokollatë për mbrëmje.

 

Mos e lër për minutën e fundit! Kostumet më ikonike të Halloween-it ndër vite

by stoy

 

Nuk është kurrë herët për të planifikuar kostumin tënd të Halloween-it! Sidomos nëse dëshiron të jesh vërtetë ikonike këtë vit.

 

Mbase, çdo vit në tetor premtosh që do ta kesh gati kostumin, por shpesh e ngelzhon dhe përfundon me një zgjedhje të minutës së fundit.

 

Por jo këtë vit! Ne jemi këtu për të ndihmuar. Idetë për kostumin janë shpesh pjesa më e vështirë, sidomos nëse dëshiron diçka ikonike. Prandaj, kemi mbledhur listën me kostumet më të mira të Halloween-it të të gjitha kohërave.

 

Nga klasiket që nuk dalin kurrë nga moda (një shtrigë e mirë nuk dështon kurrë, e thotë edhe Cardi B), te personazhet e filmave që i duam (p.sh. Camila Cabello si Mia Thermopolis nga “The Princess Diaries”) dhe trendet aktuale të pop-kulturës që të gjithë do t’i duan.

 

Nëse dëshiron diçka seksi e njëkohësisht ikonike, në vijim gjen disa nga kostumet më të famshme që mund të përdorësh:

 

Statuja e Lirisë

 

Betty Boop

 

Mr. & Mrs. Smith

 

 

Elle Woods

 

 

Murgeshë

 

 

Shtrigë 

 

 

Jessica Rabbit

 

 

Mjelma e zezë

 

 

Tinker Bell

 

 

Marilyn Monroe

 

 

Skelet

 

 

Joker

 

 

Minnie Mouse

 

 

Wednesday Addams

 

 

Catwoman

 

3 destinacione ideale për një arratisje të shkurtër në vjeshtë

by stoy

 

Dëshironi një udhëtim, por nuk prisni dot deri në fund të vitit? Zgjidhja qëndron te destinacionet ideale për këtë periudhë.

 

Dëshira për t’u larguar nga rutina është e madhe dhe udhëtimet dimërore me borë e ski duken të largëta, ndaj në këtë situate nevojitet një pushim disaditor. 

 

Kemi 3 ide:

 

Pak Bosfor 

 

 

Stambolli është destinacioni ideal për udhëtime në vjeshtë, pa turmat e zakonshme të turistëve. Eksploroni tregjet vendase, provoni gatimet tradicionale dhe shëtisni përgjatë Bosforit, duke e lejuar shikimin të humbasë në qiellin e kaltërt dhe pulëbardhat e detit.

 

Sigurohuni që të vizitoni Muzeun e Pafajësisë, i bazuar në romanin e njohur të shkrimtarit turk Orhan Pamuk, fitues i Çmimit Nobel. Për akomodim ekonomik, zgjidhni lagjet Şirinevler dhe Bahçelievler, zona studentore jo shumë larg nga qendra e qytetit. Për më tepër, Stambolli është i përshtatshëm për një udhëtim tre-ditor me buxhet të ulët, me ushqim të shijshëm dhe shëtitje të pafundme në Galata, Istiklal dhe Fanari, gjithçka pa shpenzuar shumë, nëse keni dëshirë të ecni dhe të provoni ushqime të shpejta në rrugë (që në Stamboll gjeni pafund).

 

Një arratisje në Sofje

 

 

Bullgaria tërheq shumë vizitorë për vendpushimet e skive dhe plazhet e saj, por kryeqyteti ka shumë për të ofruar, qoftë për udhëtime me miq apo udhëtarë vetëm. Sofja është një qytet me histori 7,000-vjeçare, me kulturë të pasur dhe jetë nate të gjallë, perfekt për të vizituar bare pa shpenzuar shumë. Zona më e mirë për të qëndruar është rreth zonës së Serdikës. Shëtisni përgjatë rrugëve të gjera për këmbësorë dhe shijoni ndërthurjen mes të vjetrës dhe modernes në qytet.

 

Gjirokastra jonë

 

 

Gjirokastra, qytet muze dhe Trashëgimi Botërore e UNESCO-s, është një perlë e vërtetë e Shqipërisë. Me kalldrëmet, shtëpitë karakteristike me çati guri dhe kështjellën që na rilidh me rrënjët tona, Gjirokastra ofron një gërshetim të pashoq mes historisë dhe asaj që jemi sot.

 

Shijoni ushqimin tradicional në restorantet e vogla familjare, aromën e oxhaqeve dhe mos harroni të vizitoni shtëpinë muze të shkrimtarit shqiptar Ismail Kadare. 

 

Në fund të vjeshtës, qetësia dhe atmosfera e këtij qyteti ofron atë që na nevojitet për t’u larguar nga zhurma e përditshme.

Takimi i parë? 5 gjëra që duhet të bësh që prindërit e tij të të pëlqejnë

by stoy

Festat po afrojnë dhe ka më shumë mundësi të takosh prindërit e tij.

 

Mos u streso! Psikoanalistja Jane Reardon ka ndarë disa këshilla se çfarë duhet shmangur që takimi me prindërit e tij të shkojë sa më mirë dhe pa probleme.

 

Mos i tako shumë herët

 

Mos nxito! Jepi vetes pak kohë dhe hapësirë. Njohja me prindërit shumë herët mund të krijojë një atmosferë të sikletshme dhe jo shumë të rehatshme, sipas Jane. 

 

“Varet sa serioze është marrëdhënia për të dyja palët, por duhet të paktën të keni kaluar 6 muaj bashkë.”

 

Mos u përpiq të bësh gjithçka vetë

 

Nëse ndihesh e stresuar, bisedo me partnerin. Ai dëshiron që familja e tij të të pëlqejë, prandaj qëndro pozitive. Pyete atë për familjen e tij, çfarë u pëlqen atyre dhe çfarë jo. 

 

“Sjellja e mirë rrit mundësinë që ata të të pëlqejnë,” shpjegon Jane.

 

Zgjidh veshjet e duhura për rastin

 

Ndonëse mund të jesh ndjekëse e mirë e modës, nervozizmi mund të krijojë pasiguri. Qëndro e qetë, por (patjetër që ka një por në këtë situatë), mos tepro me funde të shkurtra apo bluza me dekolte.

 

 

Shmang bisedat që mund të shkaktojnë debate

 

Gjëja më e keqe që mund të ndodh është një keqkuptim apo debat. Nuk po themi të qëndrosh pa folur, por përpiqu të flasësh për tema të thjeshta, sidomos në fillim. 

 

Lejo që ata të tregojnë histori nga fëmijëria e djalit të tyre, kjo është një temë e sigurt dhe prindërit e duan.

 

Ji vetvetja

 

Në fund të fundit, je në lidhje me partnerin tënd, jo me prindërit e tij. Nëse ai të ka ftuar t’i takosh, është për një arsye të mirë. Beso në këtë dhe mbi të gjitha, besoji vetes. Qetësohu dhe, për të mirën e përbashkët, mos shko me duar bosh!

Nga muzika në politikë: Njihuni me kryeministren e parë grua që bëri histori në Japoni

by stoy

Japonia ka përjetuar një moment historik: më 21 tetor, parlamenti i saj zgjodhi kryeministren e parë grua në historinë e vendit. Sanae Takaichi, 64 vjeç, anëtare e Partisë Liberale Demokratike (PLD) të krahut të djathtë, tani i përket krahut konservator dhe e sheh Margaret Thatcher si modelin e saj. 

 

Megjithatë, në të kaluarën ajo ka qenë prezantuese televizive dhe dikur bateriste në një grup heavy metal. Dashuria e saj për muzikën rock dhe metal vazhdon edhe sot e kësaj dite. Ndër grupet e saj të preferuara janë Iron Maiden dhe Deep Purple.

 

Sot, ajo merr përsipër sfidën jo vetëm të udhëheqjes së një partie që po përpiqet të rifitojë besimin e votuesve pas një serie skandalesh, por edhe të një vendi me probleme ekonomike, shkallë të ulët lindjesh dhe tensione gjeopolitike.

 

 

Takaichi lindi në vitin 1961. Babai i saj punonte në zyrë, ndërsa nëna ishte oficere policie. 

 

Udhëtimi i saj politik filloi në vitet 1980, kur punoi në zyrën e demokrates amerikane Patricia Schroeder. Ajo vuri re se amerikanët shpesh nuk dallonin Japoninë nga vendet e tjera aziatike, duke e barazuar kulturën e saj me atë të Kinës apo Koresë. Përfundimi i saj ishte: 

 

“Nëse Japonia nuk e mbron veten, ajo do të jetë gjithmonë në mëshirën e perceptimeve sipërfaqësore të SHBA-së.”

 

Ajo kandidoi për herë të parë si deputete e pavarur në vitin 1992, por humbi. Në vitin 1996 hyri në Parlament, ku ndërtoi reputacionin si një nga zërat më të fortë konservatorë. Po ashtu, ka shërbyer në poste të larta qeveritare, më së shumti si Ministre e Punëve të Brendshme dhe Komunikacionit.

 

Siç tha së fundmi gjatë një vizite në një shkollë si pjesë e fushatës së saj: 

 

“Qëllimi im është të jem Zonja e Hekurt”, duke iu referuar qëndrimit të ashpër dhe të ngurtë politik.

 

Megjithëse zgjedhja e saj është një fitore për politikanet femra, ajo mbështet pikëpamje konservatore, për shembull, është kundër ligjit që lejon gratë të mbajnë mbiemrin e babait pas martesës, duke argumentuar se kjo minon traditën. Gjithashtu është kundër martesave homoseksuale.

 

Por kohët e fundit, Takaichi ka zbutur disi qëndrimet e saj. Ndër premtimet e fushatës janë përjashtimi i pagave të dadove nga taksat dhe ofrimi i lehtësimeve tatimore për kompanitë që ofrojnë shërbime kujdesi për fëmijët për punonjësit e tyre.

Retro është trendi i ri: 5 atlete ikonike që po rikthehen në modë

by stoy

 

Atletet kanë pushtuar përfundimisht garderobën bashkëkohore. Deri në vitet 1950, ato ishin të rezervuara vetëm për sport. Sot, çdo shtëpi mode ka të paktën një model atletesh në koleksionin e vet.

 

Sipas Hypebeast, 72% e markave luksoze i konsiderojnë atletet si produktin e tyre më të shitur. Modelet me sasi të limituar ose bashkëpunimet speciale shiten brenda pak orësh.

 

Por për shumicën prej nesh, më tërheqëse mbeten ato që frymëzohen nga dekadat e kaluara. Që nga fundi i viteve ’90, rikthimet klasike kanë dominuar tregun.

 

Sot, kemi hyrë në një fazë të re, rikthimi Y2K, me atlete të zbukuruara me detaje metalike, si Puma Speedcat, dikur simbol i domosdoshëm i fillimviteve 2000 dhe tani sërish në kulmin e modës.

 

Atletet prej lëkure

 

Një zgjedhje e domosdoshme për këtë vjeshtë. Lëkura u jep atyre një pamje luksoze që i shton teksturë dhe elegancë çdo veshjeje.

 

Janë më të rafinuara se modelet klasike sportive dhe përshtaten lehtësisht si me pantallona, ashtu edhe me fustane.

 

 

Detaje metalike

 

Një nga trendet më të mëdha të momentit janë detajet metalike që sjellin një estetikë moderne, futuriste dhe plot shkëlqim, frymëzuar nga fillimi i viteve 2000. Këto modele janë perfekte për ata që duan një pamje të guximshme.

 

 

Rikthimi i atleteve të thjeshta

 

 

Të frymëzuara nga stilet e viteve ’70, ato janë më të lehta, më elegante dhe krijojnë një siluetë të pastër e të rafinuar.

 

Atletet pa qafë

 

 

Të frymëzuara nga këpucët sportive të viteve ’80, atletet me stil minimalist janë kthyer në qendër të vëmendjes. Të thjeshta, të përjetshme dhe të lehta për t’u kombinuar, ato ngjallin nostalgjinë e fëmijërisë, duke qenë po aq moderne sa dikur.

 

Me ngjyra

 

 

Edhe pse atletet e bardha klasike mbeten gjithmonë një zgjedhje e sigurt, këtë vit ja vlen të eksperimentoni me ngjyra.

Nga tonet neon të viteve ’80–’90 te nuancat pastel për një pamje më ndryshe, çdo ngjyrë mund të bëhet elementi kryesor i ‘look’-ut tuaj.

 

Frymëzoi një brez të tërë: Ndërron jetë stilistja legjendare Melanie Ward

by stoy

Stilistja dhe redaktorja e njohur e modës, Melanie Ward, ka ndërruar jetë pas një beteje të vështirë me kancerin, sipas një njoftimi në llogarinë e saj zyrtare në Instagram.

 

E lindur në Londër, Ward ishte një nga figurat më me ndikim të modës së viteve ’90. Ajo u bë e njohur për rolin e saj vendimtar në formësimin e estetikës “grunge” të asaj dekade dhe për bashkëpunimin e ngushtë me Helmut Lang.

 

Karrierën e nisi në Londër, duke punuar me fotografë si David Sims dhe Corinne Day, teksa ishte pjesë e brezit që solli një frymë të re në modë, duke ndihmuar modelet e reja tw nisnin karrierën, si Kate Moss, të cilën e njohu që në moshën 15-vjeçare. Stili i saj binte në sy për thjeshtësinë, natyralitetin dhe aftësinë për të përmbysur rregullat e modës së lartë me një qasje autentike.

 

Karl Lagerfeld dhe Melanie Ward

 

Në vitin 1995, Ward u zhvendos në Shtetet e Bashkuara, ku mori detyrën e Redaktores së Lartë të Modës në Harper’s Bazaar, post që e mbajti për 14 vjet. Ajo ka qenë gjithashtu konsulente për Karl Lagerfeld (2005–2006) dhe ka bashkëpunuar me Calvin Klein e Jil Sander, duke pasur një ndikim të fortë në modën ndërkombëtare.

 

E diplomuar në Universitetin e Londrës dhe në Central Saint Martins, ku koleksioni i saj i diplomimit u vlerësua si më i miri në kategorinë e Veshjeve të Ditës, Melanie Ward mbeti aktive deri në fund, ndërsa puna e saj e fundit ishte fushata e Dior Men për vjeshtë/dimër 2025, e lançuar në gusht.

Ky qytet vendosi të ndalojë adoptimin e maceve të zeza: Shkak, Halloween-i

by stoy

Qyteti i Terrassas, në verilindje të Katalonjës, Spanjë, ka vendosur të ndalojë përkohësisht adoptimin e maceve të zeza nga strehimoret e kafshëve, si masë parandaluese kundër përdorimit të tyre në rituale ose praktika të dëmshme gjatë periudhës së Halloween-it.

 

Ndalimi është në fuqi nga 6 tetori deri më 10 nëntor dhe vlen për të gjitha kërkesat për birësim apo kujdestari të maceve të zeza. Sipas shërbimeve lokale të mbrojtjes së kafshëve, qëllimi i këtij vendimi është të mbrojë këto kafshë nga keqtrajtimi apo përdorimi i tyre si objekte “dekorative”.

 

Zëvendëskryetari i bashkisë, Noel Duque, deklaroi për transmetuesin spanjoll RTVE se çdo vit në këtë periudhë ka një rritje të ndjeshme të kërkesave për të birësuar mace të zeza.

 

 

Edhe pse nuk janë regjistruar raste të abuzimit në Terrassa, bashkia thotë se raste të tilla janë raportuar në zona të tjera, dhe paralajmërimet nga organizatat për mbrojtjen e kafshëve e kanë shtyrë qytetin të marrë këtë masë paraprake.

 

“Po përpiqemi të parandalojmë adoptimet nga persona që veprojnë impulsivisht, thjesht sepse është ‘në modë’. Në raste të tilla, të cilat e dimë se ndodhin, duam të shmangim çdo praktikë makabre,” u shpreh Duque.

 

Bashkia theksoi se ndalimi është një masë “e përkohshme dhe e jashtëzakonshme”, e ndërmarrë me synimin për të mbrojtur mirëqenien e kafshëve, dhe se nuk përjashtohet mundësia që masa të ngjashme të merren edhe në të ardhmen.

 

Gjatë periudhës së ndalimit, çdo kërkesë e veçantë për adoptim do të shqyrtohet rast pas rasti nga qendra e birësimit, ndërsa procedura normale e adoptimit pritet të rifillojë pas përfundimit të sezonit të Halloween-it.

 

Megjithëse në kulturën perëndimore macet e zeza shpesh lidhen me magji dhe supersticion, në kultura të tjera si Japonia dhe Egjipti, ato konsiderohen si simbole të fatit të mirë dhe begatisë.

Pas grabitjes në muzeun e Luvrit, zhduket edhe piktura e famshme e Picasso-s

by stoy

Një pikturë e Pablo Picasso-s, me vlerë 700 mijë dollarë, është zhdukur në Spanjë gjatë transportit nga Madridi në Granada.

 

Autoritetet kanë nisur një hetim për zhdukjen e veprës së artit të vitit 1919, me titull “Natyrë e qetë me kitarë” (Still Life ëith Guitar), me një lartësi rreth 12 cm.

 

Piktura, e njohur në spanjisht si Naturaleza muerta con guitarra, ishte planifikuar të ekspozohej në Qendrën Kulturore CajaGranada, si pjesë e një ekspozite të ardhshme.

 

Sipas zyrtarëve, vepra ishte dërguar nga një kompani transporti dhe mbërritja e saj në galeri ishte konfirmuar përpara hapjes së ekspozitës më 9 tetor. Ajo u zhvendos drejtpërdrejt nga furgoni i shpërndarjes në një ashensor mallrash, nën vëzhgim të vazhdueshëm me kamera sigurie.

 

Stafi i galerisë verifikoi paketimet e mbyllura, të cilat qëndruan të paprekura gjatë fundjavës. Megjithatë, kur kuratorët nisën hapjen e kutive të hënën në mëngjes, piktura mungonte.

 

 

Pamjet e kamerave nuk tregojnë ndonjë ndërhyrje të dyshimtë dhe nuk ka raportime për incidente gjatë transportit apo magazinimit. Policia e Granadës ka konfirmuar se vepra është shtuar në bazën ndërkombëtare të të dhënave për artin e vjedhur, megjithatë, ende nuk ka nisur një hetim ndërkufitar.

 

Humbja e kësaj vepre të vogël, por me vlerë të pamatë, sjell në kujtesë raste të tjera vjedhjesh të pikturave të Picasso-s në vitet e fundit, disa prej të cilave janë rikuperuar më vonë, si në Greqi dhe Belgjikë.

 

E realizuar gjatë periudhës pas-Kubiste të Picasso-s, “Natyrë e qetë me kitarë” konsiderohet një shembull i rëndësishëm i eksperimentimeve të tij me format abstrakte në fillim të shekullit XX.

 

Kim Kardashian festoi 45-vjetorin dhe zgjodhi një fustan përrallor

by stoy

Kim Kardashian festoi 45-vjetorin dhe premierën e serialit të saj të ri “All’s Fair” në Paris, me një paraqitje që dukej sikur kishte dalë nga një përrallë.

 

Për këtë rast të veçantë, Kardashian zgjodhi një fustan magjepsës bojëqielli/baby blue, të rikthyer nga arkivat e Dior falë bashkëpunimit me stilisten e saj, Dani Levi. Si një Hirushe moderne, ajo veshi një krijim të John Galliano-s nga koleksioni pranverë/verë 2000.

 

 

Fustani, me dekolte të theksuar në formë V, ishte i përbërë nga copa asimetrike pëlhure të qepura në mënyrë mozaike, të zbukuruara me detaje dantelle të stampuara dhe motive gjeometrike që krijonin një efekt vizual tërheqës.

 

Në pjesën e pasme, materiali rrinte lirshëm, duke lënë shpinën zbuluar përveç një rripi të hollë që qëndronte mbi shpatulla. Busti ishte i ngushtë, duke theksuar linjat, dhe fustani përfundonte me një prerje në stil sirene, ku një zinxhir i dukshëm në pjesën e përparme shtonte një prekje moderne dhe të guximshme.

 

 

Pamja u plotësua me bizhuteri elegante nga koleksioni Serti Sur Vide i markës Repossi dhe flokët e kapur pas në një topuz të ulët e të rregullt, një kombinim i përsosur i klasikës me elementët bashkëkohorë.