Author: stoy

Selena Gomez ka një ngjyrë të re të preferuar për thonjtë që e aprovojmë të gjitha

by stoy

 

Selena Gomez ka një ngjyrë të re të preferuar për thonjtë dhe bëhet fjalë për një nga nuancat më të dashura të manikyrit për stinën e vjeshtës.

 

Jo, nuk është ai toni neutral, me shkëlqim të lehtë, që zgjodhi për dasmën e saj në shtator me Benny Blanco. Përkundrazi, Selena ka bërë një ndryshim, jo shumë të zakontë për të, duke zgjedhur një nuancë të fortë: burgundy/vishnje e errët.

 

Kjo ngjyrë u pa për herë të parë tek Gomez më 15 tetor, në Samitin Fortune Most Poëerful ëomen. Më pas, ajo e tregoi të njëjtën ngjyrë edhe në një Story në Instagram, ku paralajmëronte klipin e saj të ri muzikor.

 

(Dhe po, buzëkuqi ishte në të njëjtën ngjyrë.)

 

 

Vetëm pak ditë më vonë, Selena dhe Benny u shfaqën për herë të parë si çift i martuar në tapetin e kuq të Academy Museum Gala. Gomez kishte veshur një fustan të zi elegant dhe, natyrisht, manikyrin burgundy me buzëkuqin që përputhej me të. 

 

 

Dhe nuk përfundon këtu! Selena u shfaq me të njëjtin manikyr burgundy edhe në The Jennifer Hudson Shoë, e veshur me një jumpsuit të ngjashëm dhe taka të së njëjtës ngjyrë nga Ronny Kobo. Edhe rripi ishte burgundy! 

 

 

Mund të themi me plot gojën që kjo ngjyrë vjeshte po i përshtatet në mënyrë perfekte dhe ajo po e shijon maksimalisht, aq sa tashmë është bërë frymëzimi kryesor i manikyrit për shumë vajza.

 

 

Yjet e showbiz-it zakonisht i ndryshojnë shpesh thonjtë për emisione, evente apo premiera, por Selena duket se ka “zënë rehat” me këtë ngjyrë.

 

 

Dhe nëse ka një ngjyrë që sjell menjëherë ndjesinë e kësaj stine, është padyshim kjo!

Je ndarë dhe nuk e nxjerr heq nga mendja? 10 mënyra si ta harrosh njëherë e mirë!

by stoy

A e keni vënë re se kur dikush na lëndon apo na ofendon, nuk e harrojmë lehtë atë që tha apo bëri?
 

Kur dikush na zhgënjen, flet pas shpine apo bën diçka që na prek, shpeshherë e ripërjetojmë atë situatë për orë të tëra. E njëjta gjë ndodh edhe kur një marrëdhënie merr fund, ngecim në të shkuarën, duke e kthyer kokën pas herë pas here.

 

Por kërkimet tregojnë se kur rikthehemi vazhdimisht te mendimet dhe kujtimet e dhimbshme, i shkaktojmë trupit tonë stres dhe tension të panevojshëm.

 

Si mund të ndalojmë së menduari për dikë, për çfarë ndodhi, për çfarë mund të kishim bërë ndryshe, kur të njëjtat mendime “pushtojnë” mendjen tonë?

 

Donna Jackson Nakazaëa, studiuese dhe autore e njohur në fushën e shëndetit dhe marrëdhënieve, ndan 10 hapa të thjeshtë për të na ndihmuar të harrojmë dikë dhe të ecim përpara.

 

1. Zbato rregullin “pa kontakt”

 

Populli thotë: “Larg syrit, larg zemrës.” Dhe ekspertët e mbështesin këtë. Kur nuk komunikon më me dikë, nuk i jep më hapësirë në mendimet e tua. Kjo është ndër gjërat më të shëndetshme që mund të bësh për veten.

 

2. Koha shëron

 

Po, mund të duket si klishe, por është e vërtetë. Jepi vetes kohë për të përpunuar ndjenjat. Ne shpesh reagojmë impulsivisht, pa reflektuar. Merr frymë thellë, prit pak, dhe lejoje kohën të bëjë punën e saj.

 

3. “Zhduke” nga bota virtuale

 

Nuk ke pse të mbyllesh ti rrjetet sociale, por mjafton të heqësh personin tjetër.

 

Nëse vazhdon të shohësh postimet e tij/saj, do të jetë shumë më e vështirë të ecësh përpara. Fshij mesazhet, fotot apo bisedat. 

 

4. Fillo një hobi të ri

 

Ose rikthehu te një pasion i vjetër. Aktivitetet e reja janë një mënyrë e shkëlqyer për ta mbajtur mendjen të zene dhe për të mësuar më shumë për veten. Qoftë një kurs, një sport apo art, është një investim i vlefshëm.

 

 

5. Prano që e kaluara nuk ndryshohet

 

Mund të analizosh pafund se çfarë mund të kishe bërë ndryshe, por realiteti nuk ndryshon. E vetmja gjë që mund të bësh, është të mësosh prej saj.

Prandaj, fokusohu te sotmja dhe planifiko të ardhmen me mençuri.

 

6. Fal, për veten tënde

 

Falja nuk bëhet domosdoshmërisht për tjetrin, por për ty. Ajo sjell lehtësim, paqe dhe të ndihmon të ecësh përpara. Kur fal, nuk do të thotë se harron, por nuk lejon më që dhimbja të të kontrollojë.

 

7. Prano ndjenjat e tua

 

Zemërimi, trishtimi, zhgënjimi janë normale. Mos i shtyp. Përjetoji. Shkruaji në një ditar, fol me një mik të besuar, bëj një shëtitje të gjatë. Pasi t’i ndjesh dhe t’i pranosh, do t’i përpunosh dhe do të jesh më i/e lirë prej tyre.

 

8. Meditimi funksionon

 

Ndoshta duket i thjeshtë, por meditimi të ndihmon të kuptosh dhe të menaxhosh emocionet. Imagjino veten në një oqean, duke parë mendimet si valë që vijnë dhe ikin. Bluja e detit të ndihmon të rikthesh kontrollin mbi veten.

 

 

9. Mos urrej

 

Po, ndoshta tingëllon e çuditshme, por është efektive. Në vend që të lutesh për hakmarrje ose të lëndohet si ty, imagjinoje personin në një dhomë të ndritshme, të mbushur me dritë. Kjo teknikë të ndihmon të largosh mllefin dhe të rifitosh qetësinë tënde.

 

10. Merr frymë thellë 

 

Kur emocionet na “mbysim”, frymëmarrja bëhet e vështirë dhe trupin e pushton tensioni. Provo këtë: sa herë ndjen që po mendon sërish për atë person, ndalo gjithçka dhe përqendrohu në frymëmarrje për 90 sekonda. Ky moment i vogël vetëdijeje mund të ndryshojë të gjithë ditën tënde.

Ky është rendi i saktë për aplikimin e produkteve të grimit (sepse po, ka rëndësi)

by stoy

Grimi është për shumë prej nesh një formë shprehjeje, krijimtarie dhe argëtimi, dhe e vërteta është, që nuk ka një mënyrë të vetme të saktë për ta aplikuar.


Megjithatë, nëse duam që grimi jonë të zgjasë sa më shumë, përfundimi të duket më i njëtrajtshme dhe i kuruar, ka disa hapa bazë që ia vlen t’i ndjekim.

 

1. Përgatitja e lëkurës

 

Gjithmonë fillojmë me një lëkurë të pastër dhe të mirëhidruar. Përgatitja është themeli që ndikon drejtpërdrejt në mënyrën si do të qëndrojë grimi gjatë ditës.

 

Përdor një serum të lehtë, më pas një krem hidratues sipas nevojave të lëkurës tënde, dhe mos harro kremin me mbrojtje ndaj diellit (SPF). Një SPF që funksionon edhe si primer është ideal për një bazë të qëndrueshme.

 

2. Primer

 

Primer-i është sekreti i vogël që shpesh neglizhohet. Ai ndihmon në zbutjen e poreve, kontrollin e yndyrës dhe rrit qëndrueshmërinë e grimit.


Zgjidh atë që i përshtatet lëkurës tënde, qoftë për minimizimin e poreve, reduktimin e skuqjes apo kontrollin e yndyrës, dhe aplikoje në të gjithë fytyrën ose vetëm në zonat problematike.

 

3. Fondatina dhe korrektor

 

Nuk ka një rend të saktë, mund të fillosh me fondatinën për të barazuar tonin e lëkurës dhe më pas të aplikosh korrektor në zonat që duan më shumë mbulim, si rrathët poshtë syve apo puçrrat.


Në rast se rrathët janë shumë të theksuar, mund të fillosh me një korrektor me ngjyrë (për neutralizim) dhe pastaj të vazhdosh me korrektorin klasik.

 

 

4. Kontur dhe bronzer

 

Pasi kemi krijuar një bazë të njëtrajtshme, është koha t’i japim formë dhe ngrohtësi fytyrës.

 

Me konturim dhe bronzer theksojmë tiparet dhe krijojmë dimension. Apliko në zonat si mollëzat, anash në ballë dhe përgjatë nofullës.

 

5. Vetullat

 

Vetullat janë korniza e fytyrës, ndaj ia vlen t’u kushtosh kujdes. Krihi qimet për lart dhe mbushi vetëm aty ku është e nevojshme për një efekt natyral. 

Zgjidh mjetin që preferon: laps, pluhur, ose xhel.

 

 

6. Ton sysh dhe laps

 

Tani që baza është gati, mund të kalosh te grimi i syve.

 

Qoftë një pamje natyrale apo një look më i theksuar si smoky eyes, sigurohu të aplikosh bazën ose korrektorin më parë për të parandaluar atë që e quajmë plasaritje.

7. Rimel

Pasi ke vendosur tonin dhe lapsin, shto rimelin për të theksuar qerpikët.

 

Kthyesi i qerpikëve është bonus, por edhe pa të mund të keni një rezultat mjaf të mirë.

 

 

8. Blush dhe highlighter

 

Blush-i i jep fytyrës jetë dhe freski, ndërsa highlighter-i krijon shkëlqimin e nevojshëm.
Nëse do një pamje më natyrale, vendos fillimisht blush dhe më pas highlighter. 

 

Për një efekt më “glow”, bëj të kundërtën.

 

9. Buzët

Zakonisht grimi i buzëve lihet për në fund, ato mund të ndryshojnë të gjithë look-un.

 

Por, nëse zgjedh një buzëkuq në një nuancë të fortë, mund ta fillosh grimin prej tij dhe ta përshtatësh pjesën tjetër në përputhje me të.

 

10. Pudra fiksuese

 

Pudra është çelësi për ta fiksuar grimin dhe për të reduktuar yndyrën gjatë ditës.

 

Nëse ke përdorur produkte të lëngshme ose kremoze, aplikoje pudrën në fund që të veprojë më mirë mbi bazën.

 

11. Spraj fiksues

 

Përfundoje gjithçka me një spraj fiksues që ruan freskinë dhe ndihmon që grimi të zgjasë më shumë.

Muzeu i Luvrit në Paris rihapet pas grabitjes spektakolare të bizhuterive

by stoy

Muzeu i famshëm i Luvrit në Paris është rihapur të mërkurën, tre ditë pas një grabitjeje spektakolare që tronditi opinionin publik dhe mori vëmendjen e mediave në mbarë botën. Hajdutët arritën të largoheshin me disa nga bizhuteritë historike mbretërore më të çmuara, të vlerësuara në rreth 88 milionë euro (rreth 102 milionë dollarë).

 

Pamjet e transmetuara drejtpërdrejt nga Reuters TV dhe media të tjera ndërkombëtare treguan vizitorët duke hyrë për herë të parë në muze pas grabitjes së ndodhur të dielën në mëngjes.

 

 

Grabitja është përshkruar nga autoritetet si e guximshme dhe e organizuar me saktësi deri në detaje. Sipas të dhënave paraprake, hajdutët përdorën një ashensor mallrash për t’u ngjitur në katin e sipërm të muzeut dhe më pas hynë në sallë nga një dritare. Grabitësit vodhën bizhutëritë në vitrinat që përmbanin disa nga sendet më të rralla dhe më historikisht të rëndësishme të Francës, përfshirë diadema, gjerdanë me diamante, safire dhe smaragde nga periudha e shekullit XIX.

 

Grabitja ndodhi brenda pak minutash dhe, pavarësisht masave të sigurisë, autorët u larguan pa lënë asnjë gjurmë. Autoritetet franceze kanë nisur një hetim të thelluar, ndërkohë që muzeu qëndroi i mbyllur për tre ditë rresht për të lejuar hetuesit të kryejnë ekzaminimet e nevojshme në vendin e krimit.

 

Muzeu është tani i hapur për publikun, ndërsa hetimet për identifikimin dhe kapjen e autorëve vijojnë.

 

Pavarësisht suksesit, Hailey Bieber rrëfen pengun e saj: “Do doja të kisha përfunduar gjimnazin”

by stoy

Hailey Bieber së fundmi, ajo shiti kompaninë e saj të bukurisë Rhode për 1 miliard dollarë te kompania e.l.f. Beauty, duke dëshmuar një sukses të jashtëzakonshëm në fushën e biznesit.

 

Megjithatë, në një intervistë së fundmi për WSJ. Magazine, ajo pranoi se, nëse do të mund të kthehej pas në kohë, do të kishte vepruar ndryshe. Por, jo sa i përket biznesit. 

 

Ajo tha se do dontë të kishte përfunduar gjimnazin dhe universitetin, ndonëse edhe pa një diplomë ia ka dalë mbanë.

 

“Nuk mund të ulem këtu dhe t’i them dikujt të mos e përfundojë shkollën. Për mua, gjërat shkuan mirë dhe ndihem vërtet krenare që arrita t’ia dilja pa diplomë. Por, do të doja ta kisha mbaruar gjimnazin. 

 

Isha në vitin e fundit, thuajse kisha mbaruar, por më zuri një farë dembelizmi dhe mendoja: Pse ta bëj? Jam në punë, s’kam nevojë.”

 

Modelja 28-vjeçare themeloi Rhode në vitin 2022 dhe brenda pak kohësh kompania arriti një sukses të jashtëzakonshëm, deri në mars, për një periudhë 12-mujore, të ardhurat neto nga shitjet kaluan 200 milionë dollarë.

 

Pas marrëveshjes me Bieber, kompania blerëse e përshkroi markën Rhode si “të mrekullueshme”, duke shtuar se “besojmë që është gati për të fluturuar lart”.

 

Hailey do të mbetet pjesë e kompanisë si drejtoreshë e krijimtarisë. Ajo e konfirmoi lajmin në Instagram, duke u shprehur e entuziazmuar dhe krenare për bashkëpunimin me e.l.f. Beauty.

Burgosja e ish-presidentit francez: Nga përqafimi me gruan tek akuzat për komplot

by stoy

Ish-presidenti francez, Nicolas Sarkozy, hyri të martën në burgun La Santé në Paris për të nisur vuajtjen e një dënimi me 5 vite burg, pasi u shpall fajtor për komplot kriminal lidhur me financimin e paligjshëm të fushatës së tij elektorale në vitin 2007 me fonde nga Libia, një moment historik që e bën atë ish-udhëheqësin e parë të Francës moderne që burgoset.

 

Sarkozy, 70 vjeç, u shoqërua nga qindra mbështetës teksa doli nga banesa e tij në Paris, dorë për dore me bashkëshorten, Carla Bruni-Sarkozy. Ai e përqafoi atë para se të hipte në makinën e policisë.

 

 

Pak minuta më vonë, automjeti kaloi portat e burgut famëkeq La Santé, ku Sarkozy do të vuajë dënimin në izolim të plotë.

 

Dënimi dhe apelimi

 

Sarkozy u dënua muajin e kaluar për përfshirje në një komplot kriminal që kishte për qëllim financimin e fushatës së tij presidenciale me para të ardhura nga regjimi i Muammar Gaddafi në Libi. Ai ka kundërshtuar si vendimin e gjykatës, ashtu edhe burgosjen e tij para përfundimit të procesit të apelimit. Avokatët e tij deklaruan të martën se kishin paraqitur menjëherë një kërkesë për lirimin e tij të përkohshëm.

 

Akuzat për komplot

 

 

“Është një ditë e zymtë për të, për Francën dhe për institucionet tona, sepse kjo burgosje është një turp,” deklaroi avokati i Sarkozy-t, Jean-Michel Darrois, para gazetarëve.

 

Gjatë rrugës për në burg, Sarkozy publikoi një deklaratë në rrjetet sociale ku u shpreh se “një njeri i pafajshëm” po burgosej.

 

“Do të vazhdoj ta denoncoj këtë skandal gjyqësor,” shkroi ai. “E vërteta do të dalë në pah.”

 

Në një intervistë për gazetën Le Figaro, ai tha se do të merrte me vete në burg tre libra, numri maksimal i lejuar, përfshirë romanin “Konti i Monte Kristos” të Alexandre Dumas, ku protagonisti arratiset nga burgu për të kërkuar hakmarrje, si dhe një biografi të Jezu Krishtit.

 

“Nuk kam frikë nga burgu. Do ta mbaj kokën lart, edhe përpara portës së La Santé,” tha ai më parë për La Tribune Dimanche. “Do të luftoj deri në fund.”

 

Sarkozy ka përsëritur vazhdimisht se është viktimë e një “komploti” të organizuar nga individë të lidhur me qeverinë libiane dhe e ka cilësuar vendimin e 25 shtatorit si një “skandal”.

 

Izolim i plotë

 

 

Avokatët e tij kanë bërë të ditur se për arsye sigurie, Sarkozy do të mbahet i izoluar nga të gjithë të burgosurit e tjerë. Ai kishte përgatitur një çantë me disa triko për shkak të të ftohtit në burg dhe tapa për veshët për shkak të zhurmës.

 

Christophe Ingrain, një nga avokatët e tjerë, e cilësoi vendimin si “një padrejtësi të rëndë”.

 

“Është një moment shumë i vështirë, por presidenti ka qëndruar i fortë,” tha Ingrain. “Nuk është ankuar, nuk ka kërkuar asgjë, as ndonjë trajtim të veçantë.”

 

Sipas tij, izolimi i plotë nënkupton se Sarkozy nuk do të ketë kontakt me të burgosur të tjerë dhe do të kalojë shumicën e kohës i vetëm në qeli. Ai do të lejohet të dalë në oborr për një orë në ditë dhe të ketë deri në tre vizita në javë nga familjarët.

 

Avokati shtoi se Sarkozy ka ndërmend të shkruajë një libër mbi përvojën e tij në burg.

Jemi të bindur se në çdo grup vajzash ekziston kjo lloj shoqeje

by stoy

Ajo është shoqja që gjithmonë merr nismën për të propozuar daljen tonë të radhës në bisedën e grupit.

 

Bëhet fjalë për atë shoqe që telefonon restorantin për të rezervuar një tavolinë për katër, ose që na shkruan për të pyetur nëse fëmija ynë është shëruar nga gripi apo si shkoi intervista e punës.

 

Çdo grup shoqëror ka “nënën” e vet: atë anëtare që na mban të bashkuar, sepse, pa të, grupi ndoshta do të ishte shpërbërë. Jo se nuk e duam njëra-tjetrën, por sepse s’do të kishim kohën, vëmendjen, energjinë apo dhe ndjeshmërinë që ka ajo.

 

“Është një nga rolet më të zakonshme në miqësi,” thotë psikologia klinike Christina Ferrari në një artikull të botuar së fundmi në revistën Self. Edhe pse kontributi i saj shpesh mbetet në hije, mjafton që ajo të mungojë për pak, për shkak të ngarkesës në punë apo një problemi personal, dhe menjëherë kuptojmë sa e rëndësishme është për ne.

 

Po si ta dallojmë “nënën” e grupit tonë, apo nëse ndoshta jemi vetë ne ajo? 

 

 

 

Revista Self përmend disa tipare të përbashkëta:

 

  • Merr nismën për të organizuar çdo takim: Nuk mjaftohet duke thënë në mënyrë të paqartë “duhet të mblidhemi ndonjë ditë”, por e bën realitet. Gjen vendin ideal, barin apo restorantin e duhur, dhe kujdeset për çdo detaj, qoftë për një takim me tre persona apo një mbledhje me trembëdhjetë vetë.

 

  • Është jashtëzakonisht e kujdesshme: I njeh nevojat tona edhe para se t’i kuptojmë vetë. Qoftë emocionale, qoftë praktike. Mund të sjellë me vete ushqime për të na ndihmuar në ndonjë udhëtim ku të gjithë të tjerët janë të papërgatitur, ose të na trokasë në derë pas një ndarjeje për të na përqafuar pa thënë asgjë. 

 

  • Një mike e palëkundur dhe e besueshme: Nëse kemi nevojë për të në orën 2 të mëngjesit, e dimë që do të jetë aty. Nuk do të hezitojë të sakrifikojë gjumin apo kohën e saj personale për të na mbështetur. Nuk e dimë çfarë do të bënim pa të.

 

  • Kujdeset për sigurinë tonë: Ajo që na paralajmëron të mos ngasim makinën kur jemi të lodhura, të shkojmë te mjeku kur kemi temperaturë, apo të pimë pak ujë midis dy koktejve. Mund të na duket e bezdisshme në moment, por të nesërmen i jemi mirënjohëse. 

 

Po si ia del? Si arrin ta mendojë gjithçka?


 Sepse është “mami” e grupit, me gjithë dashurinë dhe fuqinë që sjell ky rol.

Jennifer Lawrence: “Robert Pattinson hëngri ushqim nga plehrat e mia!”

by stoy

Aktorja e njohur Jennifer Lawrence ndau një moment komik që kishte përjetuar me Robert Pattinson, duke rrëfyer se një vizitë e papritur e tij në shtëpinë e saj përfundoi me Pattinson duke ngrënë ushqim që ajo sapo e kishte hedhur në plehra.

 

E ftuar në emisionin britanik “The Graham Norton Show”, Lawrence foli për bashkëpunimin e saj të ardhshëm me Pattinson në filmin “Die My Love”, ku ai luan rolin kryesor. Gjatë intervistës, ajo solli në kujtesë një histori mjaft qesharake nga miqësia e tyre ndër vite.

 

“Isha në shtëpi me disa shoqe. Kishim veshur pizhame dhe po shikonim ‘Little Women’. Ishte dhjetor. Papritur më vjen një mesazh nga Roberti që më shkruan: 

‘Sapo përfundova xhirimet, jam vetëm një bllok larg shtëpisë tënde’

 

 

Lawrence tregoi më tej se kur Pattinson mbërriti në shtëpinë e saj, e përqafoi dhe i kërkoi diçka për të ngrënë. 

 

“I thashë: ‘Po, sigurisht, hyr brenda’. Ai shkoi në banjo dhe unë papritur u kujtova që e vetmja gjë që kisha ishte ushqimi që sapo kisha hedhur në plehra. Ndaj, teksa ai ishte në banjo, u futa në koshin e plehrave dhe fillova ta nxirrja ushqimin. Shoqet më shikonin të habitura, por u bëra shenjë të mos flisnin.”

 

Pa e ditur se ç’kishte ndodhur, Pattinson filloi të hante. 

 

“Ne po e shikonim të shokuara teksa ai hante ushqimin që sapo e kisha hedhur. Kur mbaroi, më tha: ‘Jam ende i uritur, ke tjetër?’ Dhe unë iu përgjigja: ‘Kam, por është në plehra’. Ai e nxori vetë dhe vazhdoi të hante.”

 

Morali? Kujdes ku hani darkë!

 

Intervista: https://www.youtube.com/watch?v=Hmt2QA7x_-c

Nëse doni të jetoni më mirë dhe më gjatë, filloni t’i bëni këto 3 gjëra menjëherë

by stoy

Në moshën 25-vjeçare, Emily A. Francis ndodhej në një udhëkryq. Lufta e saj e gjatë me ankthin kishte marrë një kthesë drastike, duke çuar në sulme paniku dhe agorafobi (frikë nga hapësirat publike apo daljet nga shtëpia).

Karriera e saj si trajnere për ushtrime fizike dukej se kishte marrë fund. Si mund të drejtonte një klasë ushtrimesh nëse nuk arrinte të dilte nga shtëpia?
 

E gjendur në këtë situatë, ajo vendosi të përqendrohej te shërimi i plotë i trupit dhe mendjes.

Udhëtimi i saj zgjati shtatë vite,  plot prova, gabime dhe përpjekje. Provoi trajtime mjekësore tradicionale, ndryshime në dietë dhe shumë gjëra të tjera. Çdo hap ishte i domosdoshëm për të gjetur një shërim të vërtetë.


Në fund, ajo gjeti një rrugë që jo vetëm e ndihmoi, por i hapi derën për të ndihmuar edhe të tjerët. Sot, Emily është një eksperte e mirëqenies dhe autore, që ndan përvojën dhe mençurinë e saj me botën.

Sipas saj, nëse dëshiron të jetosh më mirë dhe më gjatë, fillo që sot me këto 3 hapa të thjeshtë, por thelbësorë:

 

  1. Dëgjo sinjalet që të jep trupi yt

 

Të gjithë kemi momente në jetë që do të donim t’i harronim. Dhe ndonjëherë, truri ynë vërtet i “fsheh” ato aq thellë, saqë mezi i kujtojmë. Por, edhe kur mendja i harron, trupi nuk harron kurrë.

 

Studime të neuroshkencës kanë zbuluar se përvojat traumatike apo të dhimbshme mund të ruhen në trup si kujtesë trupore, në inde, nerva apo sinjale të brendshme që “mbartin” pasojat e së kaluarës, edhe kur mendja mendon se ka “shpëtuar” prej tyre.

 

Në një studim mbi terapinë Somatic Experiencing (përjetim trupor), u tregua se rikthimi i lidhjes mendje-trup dhe pranimi i këtyre ndjesive ndihmuan në uljen e simptomave të PTSD-së (çrregullim pastraumatik). E kaluara mund të mbetet e bllokuar në indet e buta të trupit, duke ndikuar në shëndetin tonë sot. Por trupi yt e di si të rikthehet në ekuilibër, thjesht ka nevojë të rikujtohet.

 

Fillo duke i kushtuar vëmendje sinjaleve të trupit. Me kalimin e kohës, do të mësosh t’i dallosh, si ato pozitive, ashtu edhe ato paralajmëruese. Këto sinjale do të të udhëheqin drejt një mënyre jetese më të shëndetshme.

 

 

  1. Ji i hapur ndaj mënyrave të ndryshme të shërimit

 

Pavarësisht se me çfarë po përballesh tani, është e rëndësishme të kujtosh: ka më shumë se një rrugë për t’u shëruar. Emily ishte e gatshme të provonte qasje të ndryshme dhe beson se çdo njeri ka një udhëtim unik drejt shërimit. Ajo të inkurajon të mbetesh i hapur ndaj mundësive.

 

Opsionet janë të shumta: nga mjekësia tradicionale, fizioterapia, këshillimi psikologjik, masazhi, ushqyerja, praktikat shpirtërore, deri tek trajtimet holistike.

 

Për shembull, nëse ndjen dhimbje trupore të vazhdueshme, mund të ndihmosh veten duke ndjekur njëkohësisht seanca me fizioterapist dhe terapist masazhi. Çelësi është të gjesh një kombinim që funksionon për ty. Ky proces kërkon kohë dhe durim, por ti e meriton.

 

 

  1. Kujdesu për vetem

 

Hapi i fundit është ky: shikoje gjithë veten si një sistem të lidhur.

 

Shërimi i vërtetë dhe afatgjatë kërkon vëmendje në katër fusha: trupi fizik, emocionet, energjia jetësore dhe shpirti. Ndaj, mëso të dallosh mes trurit dhe mendjes.

 

Truri është organi fizik që përpunon informacionin, është si “pllaka bazë” që drejton trupin, duke funksionuar nëpërmjet proceseve kimike. Ndërsa mendja është vendi ku jetojnë mendimet, ndjenjat dhe sjelljet tona. Ky dallim është i rëndësishëm, sepse njëri mund të kërkojë ndërhyrje mjekësore, ndërsa tjetri mund të ketë nevojë për një qasje më shpirtërore apo emocionale.

 

Por të dyja mund të shërohen njëkohësisht.

 

Kërko praktika dhe terapi që adresojnë të katër fushat dhe do të jesh në rrugën e duhur drejt mirëqenies së plotë.

 

Të punosh shumë nuk të garanton sukses nëse nuk ke këto 5 zakone

by stoy

Puna e palodhur shpesh shihet si çelësi përfundimtar drejt suksesit. Por e vërteta është se të punosh më shumë nuk do të thotë gjithmonë të punosh më mençur. Mund të kalosh orë të tëra duke u përpjekur dhe sërish të ndihesh sikur nuk po ecën përpara.

 

Suksesi nuk varet vetëm nga përpjekja, por edhe nga struktura: si menaxhon kohën, si fokuson energjinë dhe si krijon zakone që të çojnë përpara.

Sipas ekspertëve të produktivitetit, rezultati vjen nga rutina e qëndrueshme, që të ndihmon të jesh efikas.

 

Më poshtë janë 5 zakone produktiviteti që e kthejnë punën e palodhur në sukses të vërtetë:

 

1. Fillo ditën me qartësi, jo me kaos

 

Mënyra se si e nis ditën ndikon në gjithë vazhdimin e saj. Nëse fillon me email-e apo rrjete sociale, futesh në një gjendje reaktive, jo proaktive. Njerëzit produktivë i marrin disa minuta në mëngjes për të planifikuar prioritetet. Identifikojnë një apo dy detyrat më të rëndësishme dhe angazhohen t’i përfundojnë ato para çdo gjëje tjetër.

Nuk bëhet fjalë për një listë të gjatë, por për të ditur çfarë ka vërtet rëndësi.

 

Edhe vetëm pesë minuta planifikim me fokus mund të të kursejnë orë të humbura gjatë ditës.

 

2. Ndaj punën në periudha kohore me fokus të plotë

 

Puna pa ndalesë sjell lodhje, shpërqendrim dhe atë që quhet “djegie emocionale”. Një nga teknikat më efektive është ndarja e kohës në periudha të caktuara për një detyrë të vetme. Kjo metodë rrit përqendrimin.

Qoftë me sesione 25-minutëshe apo me blloqe 90-minutëshe, çelësi është te qëndrueshmëria. Kur ke një afat të caktuar, truri bëhet më efikas natyrshëm. Studimet psikologjike tregojnë se fokusi i kufizuar në kohë nxit motivimin dhe angazhimin.

 

Pak minuta me përqendrim të plotë vlejnë më shumë se orë me shpërqendrim.

 

 

3. Shmang lodhjen nga vendimmarrja sa më herët

 

Çdo vendim i vogël, çfarë të veshësh, çfarë të hash, kur të përgjigjesh, konsumon energji mendore.

 

Duke thjeshtuar rutinën tënde, ruan fokusin për gjërat që vërtet kanë rëndësi. Njerëzit e suksesshëm shpesh përdorin sisteme që ulin vendimet e panevojshme. Kjo mund të nënkuptojë përgatitje të vakteve paraprakisht, automatizim të pagesave, ose një rutinë të qëndrueshme në mëngjes.

 

Çdo vendim i shmangur është një shpërqendrim më pak. Deri në mesditë, kur shumica fillojnë të ndihen të lodhur, ti ende do kesh qartësi mendore.

 

4. Jepi pushimit po aq rëndësi sa edhe punës

 

Të punosh pandërprerë nuk është produktive, përkundrazi, është kundërproduktive.

 

Truri ka nevojë për pushim që të funksionojë në maksimum. Studimet tregojnë se pushimet përmirësojnë kujtesën, kreativitetin dhe zgjidhjen e problemeve. Pushimi nuk është shpërblim, por pjesë e domosdoshme e procesit.

 

Qoftë një shëtitje e shkurtër, meditimi, apo një gjumë cilësor, truri yt ka nevojë të “riprogramohet”. Pa pushim, edhe punëtori më i zellshëm arrin një pikë ku nuk mundet më.

 

 

5. Mbaje hapësirën e punës të organizuar 

 

Një hapësirë e çrregullt sjell një mendje të çrregullt. Kaos fizik = stres dhe shpërqendrim.

 

Mbajtja e ambientit të pastër sjell qartësi mendore. Nuk kërkohet sterilitet apo minimalizëm ekstrem, por vetëm që çdo gjë në tavolinën tënde të ketë një funksion. Kur ulesh për të punuar, duhet të ndihesh i qetë dhe i përqendruar, jo i hutuar. Mjedisi ndikon drejtpërdrejt në cilësinë e të menduarit.

 

Do habitesh sa më shpejt përfundon detyrat kur mendja jote nuk është e ndarë në dhjetë drejtime.