Shumë Peshq e kanë përqendruar vëmendjen te shtëpia dhe familja gjatë periudhës kur Jupiteri i fatit të mirë solli përfitimet e tij “të arta” te Binjakët dhe në shtëpinë tënde të katërt. Nëse ke nisur një rinovim, arredim të ri, apo ke pasur si qëllim të japësh me qira/shesësh një pronë, është një moment ideal për të ndërmarrë hapa në këtë drejtim. Hëna e plotë e 4 dhjetorit (plus 5 ditë) sjell përfundimin e planeve dhe marrëveshjes.
E njëjta pjesë e diagramit tënd sundon prindërit, kështu që nëse ke drejtuar energjinë e jashtëzakonshme të Jupiterit për të ndihmuar në përmirësimin e jetës së nënës ose babait tënd, ke vepruar në kohën e duhur! Jeta jote private tregon shenja lumturie dhe ngrohtësie, kështu që duket se familja jote do të dëshirojë të të vizitojë më shpesh.
Shmang udhëtimet kur Mërkuri do të jetë në kundërshtim me Uranusin më 10 dhjetor. Lë një hapësirë rreth kësaj date për siguri. Nëse udhëton, mund të të duhet të përballesh me vonesa të motit, probleme me avionët apo mjetet e tjera, ose të gabosh me adresën e hotelit. Megjithatë, nuk mund të kontrollojmë gjithçka në jetë, kështu që nëse duhet të shkosh, qëndro gati dhe përshtatu!
Jeta publike do të vihet gjithashtu në fokus gjatë muajit dhjetor. Marsi ka vendosur një dritë të fortë mbi punën tënde, që kur hyri në Shigjetar më 4 nëntor dhe do të qëndrojë në shtëpinë tënde të dhjetë të famës dhe nderimeve deri më 15 dhjetor. Ky muaj dhe janari do të sjellin ndryshime në karrierën tënde!
Gjysma e dytë e dhjetorit do të jetë një periudhë kërkuese për karrierë. Hëna e re më 19 dhjetor do të jetë në kënd të vështirë me Saturnin, kështu që nëse merr një detyrë të re, do të kërkojë shumë punë. Mund të jetë pak e vështirë, por ki besim te vetja!
Marsi do të largohet nga Shigjetari dhe sektori yt i karrierës më 15 dhjetor dhe kur të hyjë në Bricjap, do të ndriçojë sektorin tënd social. Në gjysmën e dytë të muajit, do të përballesh me shumë argëtim dhe dëshirë për të bërë plane.
Shprehja artistike është gjithmonë e rëndësishme për një Peshk dhe pozicioni i Jupiterit do të inkurajojë një prodhim mbresëlënës gjatë vizitës së tij në Gaforre, një shenjë që ka marrëdhënie shumë të mira me tënden. Festat do të jenë shumë të veçanta për ty, pasi Hëna në tranzit, gjatë Krishtlindjeve të jetë në shenjën tënde dhe në një lidhje të bukur me Jupiterin fatsjellës.
Nata e Vitit të Ri, më 31 dhjetor, mund të të gjejë në një qytet tjetër! Mund të jetë një udhëtim romantik, ose për të takuar një familjar apo mik të çmuar. Do të përjetosh një festë të gëzuar, të balancuar dhe një që të jep shumë arsye për të qenë mirënjohës.
