Padiskutim, ke pasur një jetë tejet aktive! Marsi është ende në shenjën tënde dhe ke shumë detyra për të kryer, por edhe më shumë kontroll mbi drejtimin që do të marrë jeta jote. Personat e rëndësishëm po i kushtojnë vëmendje ideve të tua dhe do të jenë më të gatshëm të të mbështesin. Kurrë më parë nuk ke parë një ndihmë të tillë!
Hëna e plotë te Binjakët, më 4 dhjetor, do të kristalizojë një plan të ardhshëm me partnerin tënd. Mund të angazhohesh, ose nëse je tashmë i fejuar, të caktoni datën dhe të finalizoni planet për dasmën tuaj. Disa Shigjetarë mund edhe të martohen! Nëse je tashmë i martuar, mund të vendosësh si të përfitosh më shumë nga marrëdhënia jote me një qëllim të ri për të ardhmen. Afërdita është në shenjën tënde dhe ky është momenti i përsosur.
Mërkuri sundon karrierën tënde dhe më 6 dhjetor, Jupiteri, planeti yt sundues dhe planeti i fatit të mirë, do të jetë në sinkronizim ideal me Mërkurin dhe mund të të sjellë lajme të mira. Kjo do të ishte një ditë ideale për një intervistë, fjalim ose prezantim. Me shumë gjasa, do të përfitosh nga kjo ngjarje të premten.
Hëna e re në Shigjetar, më 19 dhjetor, sjell një dilemë në ditët dhe javët që pasojnë. Ndërsa Dielli, Hëna e re, Afërdita dhe Mërkuri janë të gjithë në shenjën tënde, ata do të jenë në konflikt me Saturnin dhe Neptunin në sektorin tënd të shtëpisë dhe familjes. Mund të ndodhë një incident në banesën tënde, ose do të hasesh me problemet shëndetësore të një prindi/familjari tjetër.
Të gjithë do të ndjejnë pak tension nga Hëna e re më 19 dhjetor, por në pjesë të tjera të diagramit tënd, lajmet do të jenë shumë të mira. Jupiteri, planeti yt sundues, është në shtëpinë tënde të parave të të tjerëve, kështu që kjo mund të jetë një vit i shkëlqyer për të ardhurat e tua. Paratë mund të vijnë nga burime të tjera, përpos pagës.
Jupiteri do të jetë në kënd të shkëlqyer me Saturnin dhe Neptunin, kështu që pavarësisht se çfarë ndodh me shtëpinë ose apartamentin tënd, ose lajmet që mund të dalin për një çështje familjare, Jupiteri do të jetë aty për të të mbrojtur fuqishëm dhe për të sjellë ndihmën financiare që mund të të nevojitet për të zgjidhur problemin. Gjërat do të rregullohen!
