Pak gjëra në jetë të bëjnë të ndihesh më e lumtur sesa të vlerësohesh me të vërtetë për punën që bën. Si Virgjëreshë, nuk je nga ata që flasin për fitoret e tyre me megafon. Ti mendon se puna që bën duhet të flasë vetë dhe nuk ka nevojë ta reklamosh. Problemi është se të tjerët, më pak të talentuar, tërheqin vëmendjen ndaj punës së tyre, dhe në gjithë zhurmën që krijojnë, ti mund të mbetesh e anashkaluar.
Fatmirësisht, këtë muaj nuk do të ndodhë kështu, më 4 dhjetor do të kesh një hënë të plotë mahnitëse në shtëpinë tënde të dhjetë prestigjioze, atë të nderimeve, çmimeve dhe arritjeve. Vëmendje do të jetë tek ti, dhe nëse mendon se meriton një promovim, duartrokitje, ose një ofertë për një pozicion me pushtet dhe ndikim, vëzhgo ditët nga 4 deri më 9 dhjetor. Ka gjasa të vlerësohesh, dhe kur të ndodhë, do të ndihesh perfekt.
Ky muaj do të jetë një përmirësim i madh krahasuar me ritmin dhe ndjesinë e nëntorit, që ishte plot me aspekte planetare të vështira. Mërkuri, sundimtari yt, ishte në prapavijë, gjë që gjithmonë ngadalëson gjërat dhe mund të ketë kërkuar të rishikosh pjesë të projekteve të tua. Mërkuri ishte vetëm një pjesë e vështirësive që dolën muajin e kaluar. Urani tregoi sjelljen më të keqe të tij gjatë hënës së plotë dhe të re. Stresi që mund të kishe përjetuar muajin e kaluar ka mbaruar tashmë, dhe teksa hyn në dhjetor, mund të duket sikur ke rënë në një univers paralel, një më të mirë se ai ku ishe më parë.
Jeta jote nuk do të jetë vetëm punë, pa argëtim. Do të kesh mjaft kohë për jetën publike dhe private gjatë gjysmës së parë të dhjetorit. Në fillim, Marsi do të qarkullojë në shtëpinë tënde të katërt, atë të shtëpisë dhe familjes (një ndikim që ka nisur më 4 nëntor). Marsi do të sjellë trazira, sepse Marsi sjell zhurmë. Anëtarët e familjes mund të vijnë e shkojnë, dhe kjo është pikërisht mënyra si të pëlqejnë pushimet. Mund të rregullosh jastëqet në dhomën e mysafirëve për të pritur familjen që të qëndrojë disa ditë.
Nëse je e martuar ose jeton me personin tënd të zemrës, mund të zbulosh se partneri yt nuk është shumë entuziast për aq shumë aktivitete. Zbulo arsyen e vërtetë pse ai nuk është i lumtur me planet e tua, por ki parasysh që nuk do ta thotë menjëherë, kështu që duhet të dëgjosh me kujdes. Mund të duhet ta “sforcosh” partnerin për t’u bashkuar, por do të kërkojë pak durim dhe mjeshtëri.
Jupiteri do të qëndrojë pranë në shtëpinë tënde të 11-të, atë të shpresave dhe dëshirave, duke dërguar rreze të arta te partneri yt, kështu që mund të realizosh ëndrrën tënde për një pushim të ngrohtë dhe të gëzuar, me partnerin duke u bashkuar gjithashtu në të njëjtat aktivitete.
